მანანა ბასილაშვილის პროექტის პორტფოლიო

პროექტის სანახავად იხილეთ ბმული

ტრენინგის IX დღე
დღეს განვიხილეთ ელექტრონული წიგნის მოდული-8.
გავეცანით პრეზენტაციებს, მივიღეთ უკუკავშირი.
დიდი მადლობა ჩვენს ტრენერს, ქალბატონ დიანას! ამდენი მასალის ათვისება მისი დახმარებით შევძელით.
ვფიქრობ, მიღებული ცოდნა გამომადგება ჩემს მომავალ მუშაობაში. უამრავი სიახლე ელოდებათ ჩემს მოსწავლეებს!  

ტრენინგის მე-8 დღე
დღეს განვიხილეთ ელექტრონული წიგნის მე-6 და მე-7 მოდული. გავეცანით ერთმანეთის ნაშრომებს, გავაკეთეთ უკუკავშირი.გავეცანით ფასილიტაციას, მის ნიმუშებს, გავიაზრეთ როგორია ფასილიტატორი მასწავლებელი, ვნახეთ რესურსები, რომელთაც მომავალში გამოვიყენებთ, ვისაუბრეთ დიფერენცირებული სწავლების შესახებ.გავიაზრეთ როგორ შეიძლება ჩავრთოთ სპეციალური საჭიროების მქონე მოსწავლეები პროექტში.
მართლაც რამდენი დეტალი გავიაზრეთ, რომელიც გამოგვადგება წარმატებული პროექტის გასაკეთებლად,
ბევრი ოჯახური პრობლემა დამემთხვა ამ ტრენინგის განმავლობაში, ყველაზე სახიფათო იყო ჩემი შვილის ნაღვლის ბუშტის ოპერაცია, მაგრამ იმდენად საჭირო და ჩემთვის სასარგებლო მასალას გვაწვდიდა ქალბატონი დიანა, რომ შეუძლებელი იყო გამეცდინა.
უღრმესი მადლობა დიანას, ასევე კოლეგებს!

ტრენინგის VII დღე
ეს დღე მეტად საინტერესო  და სასარგებლო იყო, დევანდელ დღეს მიღებული გამოცდილება ძალიან გამომადგება და დამეხმარება ჩემს მომავალ  პროექტებზე მუშაობისას.
გავეცანით ელექტრონული წიგნის მოდული 5-ს,
ვიმსჯელეთ მოსწავლის სავარაუდო ნაშრომებზე, ადაპტაცია გავუკეთეთ არსებულ პრეზენტაციებს, მოვარგეთ ჩვენს გეგმებს. მივიღე უკუკავშირი კოლეგებისგან.
ვისაუბრეთ გარდნერის მრავალმხრივი ინტელექტის თეორიაზე. ვისაუბრეთ სპეციალური საჭიროების მქონე მოსწავლეებზე, თუ როგორ შეიძლება მათი ჩართვა პროექტებში.
დიდი მადლობა ქალბატონო დიანა! თქვენი უსაზღვრო ენერგია ჩვენც გვაძლიერებს და ახალი მწვერვალების დაპყრობისკენ გვიბიძგებს!

ტრენინგის VI დღე:

დღევანდელ დღეს გავეცანით ელექტრონული წიგნის მოდული-4-ს, სასწავლო ნიმუშების შექმნას, დავათვალიერეთ მოსწავლის სავარაუდო ნაშრომები,  ავტვირთეთ ბლოგზე ჩვენი პრეზენტაციები,ვიმსჯელეთ, როგორ გამოვიყენებთ ინტერნეტს კვლევის კოლაბორაციისა და კომუნიკაციისათვის.
ვისაუბრეთ, როგორ გვეხმარება მოსწავლის ნაშრომი მიმართულების მიმცემ საკვანძო კითხვებზე პასუხის გაცემაში.
ვისაუბრეთ მათემატუკური წიგნიერების მნიშვნელობაზე.დავათვალიერეთ ელექტრონულ წიგნში არსებული რესურსები და დავიწყე ფიქრი მოსწავლის სავარაუდო ნაშრომის შექმნაზე.
გადავხედეთ, დავამუშავეთ და დავხვეწეთ გეგმები.

ტრენინგის V დღე
ძალიან ნაყოფიერი დღე იყო, შევძელით სხვადასხვა საკითხის შესწავლა, გავეცანით პრეზენტაციებს ჩვენი პროექტებისთვის, შევისწავლეთ GOOGLE DRIVE-ის გამოყენება,
დოკუმენტის გაზიარება, დაშეარება,ვისწავლეთ უკუკავშირის მიცემა, კომენტარის გაკეთება ვორდში REVIEW-ში COMMENT-ით, გავეცანით საავტორო უფლებებს, დიდი მადლობა ქალბატონო დიანა,თქვენი იმედი არ მოგვიშალოს ღმერთმა!

ტრენინგის IV დღე:
ტრენინგის ყოველი მომდევნო დღე სულ უფრო და უფრო საინტერესოა, ასეთი იყო დღევანდელი, მე-IV დღეც, ქალბატონი დიანას დახმარებით გავეცანით პროექტებზე მუშაობის სქემებს,ვიმუშავეთელექტრომულ წიგნზე, მოდული 2, გავეცანით პროექტების შეფასების 5 სტრატეგიას: წინარე ცოდნის დადგენა,თვითრეგულირებისა და თანამშრომლობის წახალისება, პროექტის მონიტორინგის სტრატეგიები, სტრატეგიები გაგების შემოწმებისა და წახალისებისთვის და შემაჯამებელი შეფასება.
დიდი მადლობა, ქალბატონო დიანა, ყოველთვის სიხარულით მოვდივარ თქვენს ტრენინგზე!